Gituohan ni Presidente Ferdinand Marcos Jr. nga ang pagpirma sa General Security and Military Information Agreement dako og ikatabang aron mapalig-on pa ang interoperability sa mga pwersa sa Pilipinas ug US.
Ang maong kasabutan gipirmahan nila ni US Defense Secretary Lloyd Austin ug Defense Secretary Gilberto Teodoro sa Kampo Aguinaldo sa Quezon City.
Gipahibalo ni Austin nga pinaagi sa nasangpit nga kasabotan, mas mapakusog ang real-time information sharing tali sa pwersa sa Pilipinas ug US.
Atol sa pagbisita ni Austin sa Malacañang, daghang mga butang ang nahisgutan nila ni Presidente Ferdinand Marcos lakip na ang lainlaing mga isyu nga giatubang sa duha ka nasud.
Samtang, bag-o lang gi-inagurahan ni Austin ang pagtukod sa Combined Coordination Center (CCC) nga mas mopalig-on sa relasyon sa Pilipinas ug Amerika.
Ang nasangpit nga pasilidad usa ka moderno nga kapabilidad nga gidesinyo aron mapalig-on pa ang interoperability sa duha ka pwersa militar pinaagi sa Pacific Multidomain Training and Experimentation Capability nga nagtugot sa AFP ug US forces sa pag-operate isip combined command center, joint operations, intelligence sharing, ug paspas nga pagtubag koordinasyon.
Diin ang CCC kay nagsimbolo sa lawom nga relasyon tali sa Pilipinas ug Amerika.
