Napriso si Retired Police Colonel Royina Garma sa US tungod sa giingong money laundering ug paglapas sa tawhanong katungod sumala ni Justice Secretary Jesus Crispin Remulla.
Gihisgotan sa kalihim ang Global Magnitsky Human Rights Accountability Act nga gipasar niadtong 2016 nga nagpahamtang og mga silot sa mga paglapas sa tawhanong katungod ug korapsyon sa bisan unsang nasod.
Ingon man nga gipanglantawan karon sa buhatan ang paggamit sa Pilipinas og Mutual Legal Assistance in Criminal Matters (MLAT) tali sa Pilipinas ug US aron madala si Garma pauli sa nasud.
Gipasalig usab sa opisyal nga ibalik sa gobyerno si Garma sa labing dali nga panahon.
Kahinumduman nga una nang gikataho nga gidakop ug gitanggong sa mga awtoridad sa Amerika si Garma niadtong Nobyembre 7 tungod sa kanselado nga visa.
