LAPU-LAPU CITY,CEBU- Nasakmit ang kapin sa P102 milyones nga kantidad sa gituohang shabu nga motimbang og 15,050 gramos atol sa hiniusang anti-drug operation nga gihimo sa CIU/CDEU LCPO, Naval Forces Central, inabagan usab sa RIU-7 ug PDEA-7 sa Barangay Buaya Lapu-Lapu City karung adlawa Biyernes, November 22, 2024.
Hinungdan sa pagkasikop sa usa ka High Value Individual (HVI), nga giilang si Wilzen Messiah Regalado Credo, 42, taga dakbayan sa Talisay.
Nasakmit gikan kaniya ang kapin o kulang 15,050 gramos nga Shabu nga adunay Standard drug Price nga Php 102,340.000.00.
Lakip sa mga nakuha nga ebidensya mao ang pula nga maleta diin gisulod ang maong ‘shabu’, sling bag,cellphone, ug kwarta nga anaa sa 100,000 pesos isip boodle money.
Sa pakighinabi sa Bombo Newsteam kang Police Colonel Dylan Vicente Agustin,acting city director sa LCPO, nga ang suspetsado konektado gihapon sa mga nangagi nga nadakpan sa dakbayan sa lapu-lapu.
Dugang ni Agustin nga modispose kining dinakpan og anaa sa 3 ka kilo sa ‘shabu’ matag semana sa tri-city,(cebu city,mandaue city, lapis city) ug mga duol nga munisipalidad.
Gisusi pa karun kung asa gikan ang maong nasakmit nga mga butang ug padayun ang gihapon ang gihimong imbestigasyon.(With Reports of Bombo Koky Cabatingan)
