Subsob na ang pagpangandam sa Kagamhanan sa Dakbayan sa Lapu-Lapu, alang sa umaabot nga ika-48th nga ASEAN Leaders Summit sa umaabot buwan sa Mayo.
Matud ni Lapu-Lapu City Mayor Cindy Chan, nga 90% na nga andam ang dakbayan sa Lapu-Lapu alang sa pag-but sa mga nagkadaiyang delegado nga motambong sa ASEAN Summit.
Sigon niini nga bisan aduna nalay pipila ka adlaw nga nahibilin una ang kalihokan, mas gipakusgan pa gayud ang pagpangandam sa siyudad lakip na ang pagpanglimpyo sa dapit nga latasan sa mga motambong ug pagpagwapa sa mga lugar nga posibleng bisitahon sa mga delegado.
Magpahigayon usab og mini-summit ang mga nasud sa Brunei, Indonesia, Malaysia lakip na ang Pilipinas (BIMP) sa dili pa ang pormal nga adlaw sa kalihokan ngadto sa usa dakong hotel sa Dakbayan sa Lapu-Lapu.
Samtang, adunay ipahigayon nga sunod-sunod nga mga meeting ug conferences sa siyudad sa Lapu-Lapu sa tibouk tuig 2026, ug ipahigayon ang closing ceremony sa kaulohan sa Nobyembre.
Sa pikas bahin, highlight sa dakbayan ang tinuig nga kasaulogan sa “Kadaugan sa Mactan” diin gibida ang pagpadangat sa mensahi nga “World Peace”.
