-- ADVERTISEMENT --
CEBU CITY-Planong butangan sa kagamhanang dakbayan sa Sugbo og dialysis center ang Guba Community Hospital nga nahimutang sa Barangay Guba sa bukirang bahin sa dakbayan.
Kini ang gipamahayag ni Cebu City Mayor Raymond Alvin Garcia nga matod pa sa umaabot Enero o Pebrero sa tuig 2025.
Resulta kini sa pakigpulong sa opisyal ngadto sa mga lumulupyo sa bukirang barangay sa Guba, Binaliw, ug Mabini niadtong adlaw sa Huwebes, Nobyembre 21, 2024.
Kini agig tubag sa nagkadakong populasyon sa dakbayan sa mga residente niini nga nanginahanglan og atensyon medical ilabi na sa regular ang dialysis ang girekomenda.
