Saging nga gisubasta sa $6.2-M, gikaon sa usa sa labing adunahan nga mga tawo sa China

Sa walay duhaduha gikaon sa Chinese-born crypto founder nga si Justin Sun ang saging nga gipapilit sa bungbong gamit ang duct tape.

Siya ang nakapalit sa maong art nga nagkantidad ug $6.2 million sa subasta.

Sa atubangan sa mga peryodista iyang gikaon ang ‘iconic’ nga saging.

Mas lami kuno kini kaysa ubang saging.

Kahinumdoman nga niadtong miaging semana gibaligya sa Sotheby’s auction sa New York ang artwork nga gitawag og “Comedian” sa Italian artist nga si Maurizo Cattelan.