Tumong sa Philippine Navy nga makapalit og 2 pa ka corvette warships ug 6 patrol vessels ubos sa modernization program.
Matod ni Philippine Navy spokesperson for West Philippine Sea Rear Admiral Roy Vincent Trinidad, anaa sa $35 bilyon o kapin sa P2 trilyon ang gigahin alang sa “Re-Horizon 3” o ikatulo nga bahin sa AFP Modernization Program.
Ang maong mga barko adunay lain-laing kapasidad sama sa cyber, command and control capabilities, sea, air ug land capabilities.
Kahinumduman, ang Department of National Defense nipirma og P28 bilyones nga kontrata sa usa ka South Korean company alang sa pagpalit og 2 ka modernong corvettes alang sa Philippine Navy.
Diin ang pagpalit sa mga bag-ong sea asset sa militar anaa sa taliwala sa tensyon sa gilalisan nga kadagatan nga naglangkob sa West Philippine Sea diin ang labing bag-o nga insidente mao ang pagpamomba sa water cannon sa Chinese Coast Guard sa barko sa Bureau of Fisheries and Aquatic Resources nga BRP Datu Pagbuaya sa lungsod sa Bajo de Masinloc.
Bisan pa niini, gisiguro sa PH Navy ang padayon nga pagpatrolya sa WPS.
