Nanghawd sa nahitabong September 2024 Licensure Examination for Professional Teachers ang anaa sa 24 ka mga gradwado sa Elementary Education ug 16 ka mga gradwado sa Secondary Education sa resultang giluwat sa Professional Regulation Commission (PRC) niadtong Disyembre 13, 2024.
Nag Rank 1 sila Nomel Alyssa Tabanao Andan ug Mary Eloisa Fullo nga parehong gradwado sa Cebu Normal University (CNU) nga nagtabla sa unang dapit sa iskor nga 94.0% sa Elementary Level.
Samtang nasakmit ni Lara Montebon Tero sa CNU ang top spot sa Secondary Level nga adunay score nga 94.60%.
Ang PRC nitaho nga sa LEPT-Elementary level kay adunay 44,002 ka examinees diin 20,025 ang nakapasar sa eksaminasyon.
Samtang sa LEPT-Secondary level kay nagkanayon nga ang top-performing school nationwide mao ang CNU, nga adunay passing rate nga 94.32 percent, kay 797 sa 845 ka examinees ang nakapasar.
Sa eksklusibong pakighinabi sa Bombo Newsteam kang Nomel Alyssa Andan, ang tied sa Rank 1 sa LEPT-Elementary level nga inspirasyon niya sa pagtuon mao ang iyang pamilya nga way puas ang supporta og ang Ginoo sa pagtubag sa mga pag-ampo niini.
Advice sab niya sa mga napakyas nga makapasar nga eksaminasyon nga mao ang sa dili pahupas sa pagsalig ang pagtuman sa ilang mga pangandoy ilabi na ang martyr nga propesyon sa pagtudlo.
