Nanawagan ang House Committee on Aquaculture and Fisheries Resources sa Department of Agriculture (DA) nga hatagan og patas nga pagtagad ang pagpalambo sa modernong mga pasilidad aron mapalambo ang produksiyon sa isda ug makatabang sa pagkunhod sa produksiyon sa isda sa West Philippine Sea (WPS).
Gipangunahan ni Representative Brian Raymund Yamsuan nga maoy chairman sa Committee, nga nisalmot si House Minority Leader ug 4PS Partylist Rep. Marcelino Libanan sa panawagan sa DA, pinaagi sa Philippine Fisheries Development Authority (PFDA), nga magtukod og dugang fish ports ug cold storage facilities sa Samar, Leyte ug ubang probinsiya sa Kabisay-an sa sidlakang baybayon sa nasod.
Atol sa committee hearing, giawhag usab ni Yamsuan ang PFDA nga i-advance ang timeline sa konstruksyon sa fishport sa lungsod sa Oras, Eastern Samar ngadto sa 2025 o 2026, inay sa orihinal nga schedule sa 2028.
Gipasiugda nila ni Yamsuan ug Libanan ang 2028 nga eskedyul alang sa pagtukod sa Oras fishport sa daw ubos nga prayoridad nga gihatag sa PFDA sa pagpalambo sa industriya sa pangisda sa silangan.
Ingon man nga gusting makahinabi ni Yamsuan si Agriculture Secretary Francisco Tiu Laurel Jr. aron mapadali ang pagtukod sa fishport sa Oras ug bisan sa ubang mga proyekto ug programa sa silangang dagat.
