CEBU CITY- Nasikop ang usa ka lalaki nga Most Wanted Person Municipal Level alang sa Crime of Frustrated Murder sa mga sakop sa kapulisan sa Abellana Police Station 2, Cebu City Police Office , kagahapong adlawa December 19, 2024.
Giila ang nasikop nga si Jhervie Dayanan Labrada, lalaki, 21 anyos nga lumad nga taga Talisay City, Cebu apan kasamtangang nagpuyo sa Sitio Balangkapuna, Barangay Sambag 1, Cebu City.
Ang pagkasikop, pinasikad sa Warrant of Arrest nga giisyu ug gipirmahan ni Hon.Presiding Judge Leah Iligan Geraldez sa RTC Branch 20, Cebu City nga pinetsahan og Disyembre 13, 2024.
Dugang pa, nga ang akusado makahimo sa BAIL BOND nga girekomendar nga natakda sa Php 200,000.00.
Ang maong akusado gitanggong karon sa Cebu City Jail Male Dormitory – Annex Upper, Brgy. Kalunasan, dakbayan sa Sugbo nga nagpaabot sa pagbalik sa warrant of arrest ngadto sa nag-isyu nga korte.
