CENTRAL VISAYAS-Mipahimangno ang buhatan sa PNP Regional Civil Security Unit – Central Visayas (RCSU-7) sa publiko sa dili pagpalit sa mga banned nga mga pabuto (firecrackers) ug uban pan mga pyrotechnic devices aron malikayan ang mga risgo niini karong kasaulogan sa pasko ug bag-ong tuig.
Gihimug-atan kini sa mga awtoridad tungod ang mga produktng mapalit online kay posibling dili regulated ug dili haom sa pag gamit sa mga sibilyan nga adunay minus nga kasayuran sa kaluwasan kabahin sa pagpabuto.
Matod pa ni Police Lt Col Jeffrey Bilaro, ang Officer-in-Charge sa RCSU-7 nga base sa ilang datos kay mikunhod ang gidaghanon sa mga firecracker/fireworks related incidents sa nakalabayng katuigan.
Dugang niya nga tungod kini kay mas nmabinantayon na ang publiko sa paggamit og pabuto tungod sa mga natalang trahedya sa nakalabay nga nakapa aghat og kabalaka sa kadaghanan.
Aron maseguro nga dili kini mausab, gipahinumdoman ni Bilaro ang publiko nga magmatngon ug likayan ang pagpalit ug bisan unsa sa 28 ka gidili nga mga pabuto ug pyrotechnic device.
Ang listahan, sumala sa advisory sa PNP Civil Security Group, naglakip sa watusi, higanteng whistle bomb, large size Judas Belt, Goodbye Philippines, Coke-in can, ug Goodbye Chismosa.
Kini nga mga produkto nasayran nga dili angay alang sa paggamit pagkahuman sa usa ka pagsusi sa ilang gibug-aton, gidak-on, mixture, ug klase.
Bawal usab ang improvised firecracker o lantaka ingon man ang pagbaligya sa mga imported nga pabuto kay supak sa balaod.
Sa kasamtangan kay wala pay nasikop sa RCSU-7 sa mga nakalapas niini nga lagda sa balaod sa rehiyon apan sa umaabot nga adlaw kay magpahigayon kini og mga inspeksyon.
