Giaprobahan ni Presidente Ferdinand R. Marcos Jr. ang 2024 National Security Strategy (NSS) nga nakita nga makapauswag sa katakos sa nasod sa pagsulbad sa mga komplikadong hagit sa seguridad sa lokal ug sa tibuok kalibotan.
Mao kini ang gipahibalo ni National Security Adviser Eduardo Año nga giaprobahan na sa Presidente ang NSS atol sa tigom sa Palasyo sa Malacañang.
Ang NSS, nga nagsuporta sa National Security Policy sa administrasyon alang sa 2023-2028, naglatid sa 53 ka estratehikong direksyon ug 393 ka aksyon nga mga lakang nga gilaraw aron mapanalipdan ang soberanya sa nasud, mapanalipdan ang kaayohan sa mga lungsuranon, ug mapalambo ang kalinaw ug panaghiusa.
Gihatagan usab og gibut-aton ni Año, ang papel sa NSS sa pagsulbad sa lokal ug pangkalibutanon nga mga hulga, gikan sa mga panagbangi sa teritoryo ngadto sa mga hagit sa ekonomiya, samtang nagtutok sa kaayohan sa matag Pilipino.
Ingon man nga nahiuyon sa Philippine Development Plan, ang NSS diin nagpasiugda sa usa ka whole-of-nation approach, nga nag-awhag sa partisipasyon gikan sa mga ahensya sa gobyerno, pribadong organisasyon, ug lokal nga komunidad aron makab-ot ang nasudnong mga tumong sa seguridad.
