PROVINCE OF CEBU- Gipasakahan og Cease-and-Desist Order sa kagamhanang lalawigan sa Sugbo ang lain Quarry Company nga nahimutang sa lungsod sa San Fernando habagatan Sugbo.
Ang maong kumpanya kay mao ang Solid Earth Development Corporation kinsa maoy supplier sa quarry materials sa cement manufacturer nga Taiheiyo Cement.
Subay kini sa kamanduan ni Cebu Provincial Governor Gwendolyn Garcia atol sa pakigpulong niini sa mga executive sa kumpanya didto sa Kapitolyo niadtong Enero 8 nga matod pa kay wala kini mahulga kung mag-atubang kini og laing kaso sa korte basta ang mupatigbabaw mao ang kaluwasan sa komunidad nga nagpuyo doul sa quarry sites sa Solid Earth Dev’t Corp.
Aduna na usab technical working group ang gitukod aron sa pag-assess kung fully complaint ba sa legal ug safety requirements sa ilang Mineral Production Sharing Agreements (MPSA) ang maong kumpanya.
Kahinumduman, nga una nang napasakahan og Cease-and-Desist Order ang laing quarry company nga Apo Land and Quarry Corp. (ALQC) nga nahimutang sa dakbayan sa Naga sa habagatang Sugbo.
