Moabot sa 7 ka wildfire ang natala sa ikaduhang adlaw sukad niulbo sa Los Angeles, California USA kagahapon, Enero 8.
Lakip sa natala nga wildfire nga insidente sa LA mao ang Olivas fire, Hurst fire, Woodley fire, Lidia fire, Sunset fire ug ang pinakadako niini mao ang Palisades fire ug Eaton fire diin halos 27,000 ka ektarya ang nasunog.
Anaa na sa 137,000 ka tawo ang pwersahang gipabakwit gikan sa 2 ka lugar nga nasunog sa mga sunog.
Ang Hurst Fire miulbo sa Sylmar sa amihanang San Fernando samtang ang Sunset Fire maoy usa sa pinakaulahi nga miulbo sa Hollywood Hills duol sa Runyon Canyon.
Tungod niini, daghang mga balay sa Hollywood celebrity ang naugdaw usab sa nagdilaab nga kalayo ug napugos sa pagbakwit.
Lakip sa nasunog ang ilang mga balay mao ang pipila ka sikat nga Hollywood celebrity/personality, US star actress Mandy Moore, Paris Hilton’s Malibu house, ang $6.5 million Los Angeles property sa US actor/couple Leighton Meester ug Adam Brody , ang multimillion dollar mansion sa Hollywood star Anna Faris, ingon man mga kabtangan sa Pacific Palisades.
Ang mga aktor nga sila Miles Teller ug Eugene Levy, komedyante nga si Billy Crystal ug Oscar winner nga si Anthony Hopkins ug uban pang mga bituon sa Hollywood.
Gikataho usab nga ang Duke ug Duchess sa Sussex, Prince Harry ug Meghan Markle, mahimong mapugos sa pagbakwit sa ilang balay sa Montecito, California taliwala sa mga pagkawala sa kuryente ug mga pagbakwit didto kung ang sunog mokaylap pa.
Sa laing bahin, ang mga bombero sa LA nakasinati usab og kakulang sa tubig sa pagpalong sa mga sunog, uban sa pipila sa mga alternatibong tinubdan sa tubig mao ang mga swimming pool ug mga lanaw.
Una nang gikompirmar sa mga otoridad nga 5 ka mga tawo ang namatay samtang kapin sa 100,000 ka mga residente ang napugos sa pagbakwit gikan sa sunog sa Eaton samtang 37,000 ang gipabakwit tungod sa Palisades inferno.
Ang wildfire nga unang miulbo sa Palisades niadtong Martes gikonsiderar nga labing makadaut sa tibuok kasaysayan sa LA.
