Nagpabilin ang baruganan ni Pres, Ferdinand Marcos Jr. batok sa impeachment ni Bise Presidente Sara Duterte.
Mao ni ang tubag sa Malacañang sa pangutana kon aduna bay epekto ang Iglesia ni Cristo peace rally sa pagtuo sa Presidente nga di angay i-impeach si VP Sara.
Matod ni Executive Sec. Lucas Bersamin, wala mausab ang baruganan sa PBBM niining lakang sa Kamara.
Kahinumduman nga gibabagan ni Marcos ang gihimo nga pagpasaka og impeachment batok sa bise presidente.
Diin ang katarungan nga ang pagpalagpot kang Duterte sa katungdanan kay usa lang ka pag-usik sa panahon.
Ingon man nga dili usab kini makapabag-o sa kinabuhi sa mga Pilipino kon ma-impeach ang bise presidente.
Dugang pa nga gihingusgan sa Palasyo nga daghan pa ang mga importanteng butang nga angay buhaton alang sa katawhan.
