Gibutyag sa pamunoan sa Presidential Anti-Organized Crime Commission ang posibleng pagbalhin sa POGO hub operations ngadto sa Visayas ug Mindanao.
Hinungdan nga hugot nga gibantayan ug gimonitor karon sa buhatan sa PAOCC ang mga aktibidad human sa ilang nadawat nga taho.
Matod ni PAOCC executive director Gilbert Cruz, nga mokabat sa 80% sa kinatibuk-ang 400 ka POGO hubs nga ilang nabantayan ang hingpit nang nasirado.
Apan, giklaro sa opisyal nga wala pa matapos ang ilang operasyon, inay gitumbok usab nila ang mga gagmay nga operasyon nga daw POGO sa nagkadaiyang dapit sa nasod ilabi na sa Metro Manila.
Subay niini, moabot sa 22k ka langyaw nga POGO workers ang na-deport gikan sa target nga 33k ka POGO workers samtang gipangita pa sa Bureau of Immigration ang nahabiling 11k foreign workers nga wala pa mosurender sa mga otoridad.
