Natabunan na og red ug pink nga powder ang pipila ka bahin sa gitawag nga entertainment capital of the world nga Los Angeles, California USA.
Kini usa ka fire retardant nga gigamit karon sa mga bombero sa pagpalong sa mga sunog.
Sa mga video ug mga litrato nga nikaylap karon sa online, diin nadani ang atensyon sa pula ug pink nga powder nga gihulog sa miulbo nga dakong sunog.
Matud sa opisyal nga liboan ka galon sa substance ang gi-spray sa miaging semana aron mapugngan ang pagkuyanap sa kalayo.
Sumala sa kompanya nga nagpaluyo sa produksiyon sa fire retardant, 80% sa maong produkto ang tubig, 14% ang fertilizer-type salts, 6% ang gilangkoban sa mga color agent ug corrosion inhibitors.
Kontrobersyal usab ang paggamit niini kaniadto tungod sa posibleng negatibong epekto niini sa kinaiyahan, hinungdan nga gimando sa Forest Service nga gidili ang paggamit sa fire retardant sa mga sensitibo nga lugar, apan adunay mga exception niini, ilabi na kung ang kinabuhi o kaluwasan sa tawo nameligro na ang publiko tungod sa hulga sa kaylap nga sunog.
