Mobalik sa ring ang undefeated Filipino boxer nga si Weljon Mindoro, diin iyang atubangon ang beteranong Mexican boxer nga si Carlos Ocampo sa Los Angeles, California, sa Agosto 29, 2026.
Gihuptan ni Mindoro ang impresibong rekord nga 17 ka daog, usa ka tabla, ug walay kapildihan, lakip ang 16 ka kadaugan pinaagi sa knockout (KO).
Tumong sa Filipino boxer nga mapalig-on ang iyang posisyon sa middleweight division sa ilang non-title bout, nga ipasalida og live sa mainstream television.
Sa iyang katapusang away niadtong Hunyo, gipildi ni Mindoro ang Mexican boxer nga si Elias Espadas pinaagi sa unanimous decision, nga mitapos sa iyang 16 ka sunod-sunod nga knockout victories.
Samtang, si Ocampo adunay rekord nga 38 ka daog ug upat ka pildi, diin 26 sa iyang mga kadaugan nakuha pinaagi sa knockout.
Nakaatubang usab ang Mexican boxer sa pipila sa labing inila nga mga boksidor sa kalibotan, lakip sila Errol Spence Jr., Tim Tszyu, ug Sebastian Fundora.
Si Mindoro mao ang kasamtangang naghupot sa IBA Asian Middleweight title, nga iyang nakuha niadtong 2024 human niya gi-knockout ang Australian boxer nga si Joel Camilleri sa Dubai.
