Dili lamang ang ilang performance ang nahimong highlight sa pagpasundayag sa SB19 sa Lollapalooza sa Chicago, Illinois, tungod kay nakig-bonding usab sila sa daghang international artists.
Sa Instagram, gipaambit sa P-pop Kings ang mga litrato nila Josh ug Stell uban sa pipila sa ilang kaubang performers sa usa sa labing inila nga music festivals sa kalibutan.
Lakip sa mga artista nga ilang naka-bonding mao sila Sombr, Sienna Spiro, Chase Infiniti, ug Lyn Lapid.
Makasaysayanon usab ang pag-apil sa SB19 sa Lollapalooza tungod kay sila ang unang Pilipinong artista nga nakapasundayag sa maong festival.
Gipaila usab sa grupo ang ilang pinakabag-ong single nga “Lawless” atol sa ilang performance.
Sa wala pa ang ilang pagpasundayag sa Lollapalooza, mitambong usab ang SB19 sa Signals World Tour sa California uban sa kaubang P-pop group nga BINI.
Apan dili pa dinhi matapos ang internasyonal nga mga kalihokan sa grupo.
Gikatakdang moadto ang SB19 sa Japan sa Agosto 14 ug 15 alang sa Summer Sonic, sa dili pa sila mobalik sa Estados Unidos sa Oktubre alang sa KPOPWORLD Festival sa Texas.
