Gikatahong gidili sa North Korea ang pagkaon og mga hot dog isip kabahin sa pagpakigbatok niini sa Western influence.
Ang leader sa nasud nga si Kim Jong Un mideklarar nga ang pagkaon og mga hot dog kay usa ka pagbudhi sa iyang nasud, taliwala sa nagkataas nga pagka-popular sa pagkaon sa South Korea nga gikopya gikan sa Estados Unidos.
Ingon man nga kung gani masakpan o magluto og hot dog kay dad-on sa mga labor camp ug gidili usab ang pagbaligya sa budae-jjigae, usa ka pagkaon nga gi-import gikan sa silingang South Korea, nga kaalyado sa mga nasud sa kasadpan.
Ang spicy Korean-Ameican hotspot, nga nagpasabut nga “army base stew” adunay mga sagol sama sa mga hot dog ug spam.
Gikan kini sa karne nga gibutang sa mga sundalo sa US sa rehiyon nga gihimo sa panahon sa Korean War niadtong 1950s.
Gituohan usab nga ang maong pagkaon kay nakasulod sa utlanan sa North Korea niadtong 2017, pipila ka dekada human kini gibaligya sa South Korea.
