North Korea, subling naglunsad og mga ballistic missile

Naglusad ang North Korea og pipila ka mga short-range ballistic missile.

Matod sa Ministry of National Defense sa South Korea, nahitabo ang paglusad sa kadagatan sa may sidlakang baybayon sa nasod.

Nahitabo kini human nagsugyot ang South Korea og mga pakigpulong nga gitumong aron pakunhuran ang tensiyon tali sa duha ka nasod.

Gipahayag sa Joint Chiefs of Staff (JCS) sa South Korea nga ang mga misil gilusad gikan sa lugar sa Wonsan sa North Korea.

Miabot sa 250 kilometers ang missiles kung diin nagpahigayon og assessment ang South Korea ug Estados Unidos.

Samtang, ang Japan Coast Guard nagpahimangno sa mga barko nga anaa sa maong lugar nga mag-amping.