Plano nga mopadayag ang Japan ug Pilipinas ngadto kang US-President elect Donald Trump nga kinahanglan nga magpabiling committed sa pagtabang sa pagpatunhay sa lagda sa balaod sa Asian region diin ang mga kabalaka sa seguridad kay nagkagrabe.
Kahinumduman nga ang US, Japan ug Pilipinas kay nagtukod og alyansa ubos sa pagdumala ni outgoing President Joe Biden sukad sa miaging tuig aron atubangon ang nagkadaghang agresibong aksyon sa China sa gikaaway nga South China Sea ug East China Sea.
Ang “America First” foreign policy nga giduso ni Trump nagpahinabog mga kabalaka bahin sa gidak-on ug giladmon sa pasalig sa US sa rehiyon ubos sa iyang bag-ong termino.
Matod ni Japanese Foreign Minister Iwaya Takeshi nga gikatakda siyang motambong sa inagurasyon ni Trump karong Enero 20 isip usa sa labing suod nga kaalyado sa Washington sa Asia uban sa Pilipinas.
Dugang niini nga taliwala sa nagkagrabe nga estratehikong palibot sa rehiyon, ang Japan naghatag og importansya sa bilateral nga kooperasyon ingon man sa pagmintinar ug pagpalig-on sa trilateral nga kooperasyon tali sa Japan, Pilipinas ug Estados Unidos.
