LAPU-LAPU CITY, CEBU- Nag-atubang og daghang mga kaso ang suspek sa pagpamusil patay sa upat ka mga inosenteng tawo sa Sitio Jagna, Barangay Maribago, dakbayan sa Lapu-Lapu, niadtong Biyernes, Enero 17, 2025.
Kini ang gitino ni Police Lieutenant Colonel Christian Torres, ang tigpamaba sa Lapu-Lapu City Police Office (LCPO), atol sa pakighinabi sa Bombo Newsteam nga napasakahan na og multiple murders (three counts), usa ka frustrated murder, comelec gun ban ug illegal position of fire arms ang suspek nga si Eduardo Ramos Taghoy Jr., gahapon, Enero 20, 2025.
Dugang pa, nga gisiguro sa Mayor sa syudad og sa kapulisan nga mag-atubang kini sa iyang silot og mabilango sa tibuok niyang kinabuhi.
Nasayran nga ang suspek nga si taghoy, upat pa ka bulan nga nakagawas sa bilangoan gumikan sa kasong pagpayuhot og illegal nga drugas.
Sa pikas bahin, andam mosagubang si Lapu-Lapu City Mayor Jonard Ahong Chan sa tanang tabang pinansyal og pagpalubong sa mga nabiktima sa pagpamusil.
Una niini, Dead on the spot ang tulo ka mga biktima atol sa insidente, kinsa giila nga usa ka 26-anyos nga photographer, usa ka alyas ‘Aying’, ug usa ka babaye nga lending collector.
Samtang, ang 30-anyos nga construction worker nga giilang si “Toto” kinsang nakabsan usab sa kinabuhi sulod sa Balay Tambalanan.
