MANDAUE CITY-Gitambungan sa mga supporters ni Kanhi Mayor Jonas Cortes ang gipahigayon nga prayer rally sa dakbayan sa Mandaue atubangan sa Mandaue City Hall, agi’g pasalamat sa maayong balita nga ilang nadawat human kini mitambong og misa sa National Shrine of St. Joseph.
Kini nunot sa giluwat nga Temporary Restraining Order sa Korte Suprema nga nagpugong sa Commission on Elections sa pagkanselar sa iyang Certificate of Candidacy alang sa 2025 midterm elections.
Matud sa kanhi nga ang maong kadaugan kay dili lang alang kaniya kondili kalampusan usab sa tanang nga nagtuo sa hustisya ug demokrasya.
Hinungdan nga nanghinaot kini nga magpadayon ang iyang mga supporters sa pagpakalig-on ug pagsalig hilabi na ngadto sa kahitas-an nga maoy mogiya kanila sa kaligdong ug kaangayan.
Una niini, sa gipahigayon nga press conference kay nagpadayag kini sa iyang dakong kalipay ug pasalamat nga nakab-ot nila ang hustisya ng ailing gipangita sulod sa taas nga higayon.
