Mitambong sa unang higayon si South Korean President Yoon Suk Yeol sa Constitutional Court aron atubangon ang impeachment complaint nga iyang giatubang.
Misamot ang kagubot sa politika sa South Korea sa dihang gideklarar ni Yeol ang martial law niadtong Disyembre 3, 2024, nga milungtad og unom ka oras. Mao kini ang nakaaghat sa mga magbabalaod sa pagpaubos kaniya sa katungdanan.
Si Yoon, ang una nga naglingkod nga Presidente sa South Korea nga nag-atubang sa ligal nga mga imbestigasyon ug gidakop sa mga kaso nga may kalabotan sa mga sukaranan sa insurrection.
Niini nga bahin, ang iyang legal nga grupo naningkamot sa pagdepensa sa iyang mga aksyon samtang ang deklarasyon sa martial law gikonsiderar nga dakong lakang og tubag sa giingong pagpanikas sa eleksiyon nga matud pa maoy hinungdan sa dakong kadaugan sa oposisyon sa piniliay sa miaging tuig.
Sa laing bahin, importante ang desisyon sa Constitutional Court, tungod kay kung suportahan niini ang impeachment, matangtang si Yoon sa katungdanan, ug ang eleksyon ipahigayon sulod sa 60 ka adlaw aron makapili og bag-ong presidente.
