Nagpatuli ang usa ka 77-anyos nga lolo sa Maguindanao del Sur ubos sa libreng tuli nga programa isip kabahin sa nagpadayong Medical Outreach Program sa lokal nga kagamhanan.
Gipatuman ang maong programa aron mahatagan og libreng serbisyong medikal ang mga residente sa probinsiya, bisan unsa pa ang ilang edad o kahimtang sa pagpuyo.
Ingon man nga nakakuha og positibong reaksyon ang kaisog sa ni Lolo nga magpatuli.
Matud pa ni Lolo nga dugay na niya nga gustong magpatuli apan tungod sa lain-laing rason sama sa kakuwang sa kahibalo, kahigayonan, ug serbisyong medikal sa ilang lugar, wala kini mahimo kaniadto.
Sa tabang sa inisyatiba sa Maguindanao del Sur Provincial Government, natuman ang dugay na niyang gipangandoy.
Gawas sa 77-anyos nga apohan, lain-laing lalaki usab ang nisalmot sa maong programa.
Kini naglakip sa usa ka 40-anyos nga mag-uuma, usa ka 31-anyos, ug usa ka 21-anyos nga residente. Gipaambit usab nila ang ilang pasalamat sa libreng serbisyo nga ilang nadawat.
