Nipirma og kasabutan ang Department of Health (DOH) sa Pilipinas ug ang Ministry of Health sa Jamaica aron palig-onon ang health workforce sa duha ka nasod.
Diin ang nasangpit nga kalihukan kay gipangunahan ni DOH Secretary Dr. Teodoro Herbosa ug Jamaican Health Minister Dr. Christopher Tufton sa usa ka Memorandum of Understanding (MOU) sa Kingston, Jamaica.
Kini nga MOU kay nagtumong sa pagpalig-on sa health workforce pinaagi sa pagpadala sa mga Filipino healthcare workers ngadto sa Jamaica.
Pinaagi niini, ang duha ka mga nasud magtinabangay sa natad sa biotechnology, epidemiology, ug uban pang mga espesyalista aron mapauswag ang mga kapabilidad sa parehas nga sistema sa kahimsog.
Matod ni Dr. Herbosa, kini nga lakang kabahin sa padayon nga pagpaningkamot sa Pilipinas nga mapataas ang kalidad sa serbisyo sa panglawas, samtang naghatag usab og kahigayonan sa mga trabahanteng Pilipino nga mapalapad ang ilang kahibalo ug kasinatian.
Gilauman usab ang kasabutan nga adunay positibo nga epekto sa duha nga mga nasud, ilabi na sa pagsulbad sa kakuwang sa health workforce.
