CEBU CITY- Makatagamtam og Charter Day Bonus ang mga kawani sa kagamhanang dakbayan sa Sugbo.
Gipahibalo kini ni Cebu City Mayor Raymond Alvin Garcia atol sa weekly Flag Ceremony sa City Hall kagahapong adlawa sa Lunes, Pebrero 3, 2025 diin matod sa Mayor nga naduso na sa Sangguniang Panlungsod ang maong sugyot nga balaod.
Ang kantidad kay susama ra kung unsay gihatag sa milabay nga administrasyon sa Charter Day Bonus sa nakalabayng tuig.
Dugang pa sa Mayor nga anaa na sa konseho sa dakbayan ang pag-aprobar niini og sa sugyot kung minusan kini o laslasan.
Gani nagpasalamat pud ang Mayor sa Office of the Treasurer, Budget Office, ug Accounting Office sa paglihok sa pag-apod-apod pud sa P5,000 one-time cash assistance sa mga honorarium based employees sa dakbayan sulod sa 80 ka mga barangay.
Magsaulog ang dakbayan sa Sugbo sa ika-88 nga Charter Day sa umaabot Pebrero 24 nga giisip pud nga special non-working holiday isip paghandom sa pagkatukod sa dakbayan niadtong 1937 sa Official Charter niini sa paningkamot ni anhing Mayor Don Vicente Rama.
