Giklaro sa kanhi aktres nga si Andi Eigenmann nga wala nagcheat ang iyang fiancé ug surfer nga nakabase sa Siargao nga si Philmar Alipayo.
Kini human sa sunod-sunod nga mga cryptic IG story nga nakapukaw sa espekulasyon sa ilang panagbuwag.
Sa gipaambit nga IG story ni Andi, nihatag siya og mas klarong konteksto sa iyang mga nangaging post ug niingon nga gituyo kini sa usa ka partikular nga higalang babaye nga ‘nagtaksil’ kaniya, diin wala niya hinganli.
Matud pa niya nga sa matag higayon nga mag-uban ang iyang fiancé kay anaa usab ang maong babaye.
Gipasabot usab ni Andi ang iyang pag-post sa maong isyu tungod kay giingong giilad siya sa tawo nga giingong nag-awhag sa iyang fiancé nga buwagan siya sa matag higayon nga mag-away sila, bisan pa nga iya usab gipaambit ang iyang istorya.
Gihisgotan usab ni Andi sa iyang IG story nga adunay babaye nga nagpa-tattoo nga susama sa tattoo nga marka sa iyang fiancé nga ‘224’ nga wala man lang gihuna-huna ang iyang bation.
Gisuwayan usab sa kanhi aktres nga makig-istorya sa babaye aron pasabton ang iyang side apan gi-snubb lang kuno siya.
Matud pa ni Andi nga iyang gi-share ang maong mga post aron mahibaw-an sa uban nga dili normal ang iyang sitwasyon.
Ang fiancé ni Andi nga si Philmar, nipagawas usab og pamahayag sa iyang IG story ug gikompirmar ang gipaambit sa iyang fiancé ug gitubag ni Philmar ang mga pagsaway sa mga netizen nga mitawag kaniya nga mangingilad ug ngil-ad og dagway ug nagpasalamat sa mga tawo nga tinuod nga nakaila kaniya.
