Gisita sa kapulisan sa habagatang India ang singer nga si Ed Sheeran human niya gisurprisa ang mga fans sa usa ka live performance.
Anaa sa Bangalore City ang upat ka higayon nga Grammy singer sa dihang nakahukom kini nga mag-busk o mokanta sa dalan duol sa simbahan.
Samtang anaa siya sa tunga-tunga sa pagkanta sa hit song nga “Shape of You,” niabot ang pulis ug gibira ang mga kable sa mikropono ug gitara.
Matod sa kapulisan nga ilang gibalibaran ang pagpangayo og permiso ni Sheeran kay makamugna kini og kahuot sa trapiko sa maong dapit.
Dako ang kasagmuyo sa singer sa maong hitabo kay nakahatag silag permiso sa pagpahigayon sa busking apan wala kini tugoti.
Kahinumduman nga sa miaging tuig na-sold out ang iyang concert sa Mumbai.
Sa umaabot nga mga adlaw, aduna pa kini duha ka show sa maong lugar sa dili pa kini mopaingon sa China ug United Arab Emirates.
