Mitaliwan na ang South Korean actress nga si Kim Sae-Ron human kini nakit-ang wala na’y kinabuhi sulod sa iyang apartment sa Seongdong-gu, Seoul gahapon, Pebrero 16.
Ang lawas sa 24-anyos nga aktres, kinsa bag-o lang nagpakita sa salida nga “Bloodhounds” kay nakit-an sa iyang higala, kinsa mitawag dayon sa mga awtoridad.
Gikompirmar sa kapolisan nga walay timailhan nga adunay nahitabong break-in ug padayon pa ang ilang gihimong imbestigasyon aron masuta ang hinungdan sa kamatayon niini.
Natawo niadtong 2000, ug nagsugod si Kim isip aktres niadtong 2009, nga maoy naghatag og dalan sa aktres sa paglusad sa iyang karera sa industriya.
Dali siyang nabantog sa iyang mabulukon nga mga papel sa mga salida nga “The Man from Nowhere” (2010) ug ang makalilisang nga “The Neighbor” (2012), nga nagdala kaniya sa kaylap nga pag-ila.
Ang pinakabag-o nga proyekto ni Kim mao ang “Bloodhounds,” nga gi-release niadtong 2023, ug nakadawat og mga pagdayeg gikan sa mga fans ug mga kritiko. Bisan pa, ang iyang karera sa pag-arte nahunong sa dihang ang usa ka aksidente sa awto nahitabo kaniadtong Mayo 2022. Kini nga insidente adunay dakong epekto, ug nag-atubang og legal action.
Apan, kaniadtong Abril 2023, gimandoan sa korte si Saeron nga magbayad og multa nga 20 million won o gibana-bana nga $13,850, nga nagtimaan sa katapusan sa karera sa aktres.
