Gipaambit ni French President Emmanuel Macron ang posibleng kasabutan nga mahimong uyonan ang ceasefire tali sa Ukraine ug Russia mahimong uyonan sa umaabot nga mga semana.
Kini nunot sa pakighinabi ni Macron kang US President Donald Trump sa White House ug sa pagsupak sa America sa resolusyon nga nagkondenar sa pagsulong sa Russia sa Ukraine, nga miresulta sa gubat nga anaa na sa ikatulong tuig.
Sa iyang panag-istoryahanay uban ni Trump, gipasiugda sa Presidente sa France nga ang Ukraine dili kinahanglan nga itugyan sa bisan unsang kasabutan sa kalinaw sa Russia ug ang Ukraine kinahanglan suportahan pinaagi sa mga garantiya sa seguridad.
Dugang pa nga nakig-istprya na usab kini sa 30 ka ubang mga lider sa Europe ug mga kaalyado diin kadaghann kanila kay andam nga mahimong bahin sa mga garantiya sa seguridad alang sa Ukraine.
Nakigkontak usab siya kang British Prime Minister Keir Starmer bahin sa sugyot nga magpadala og mga tropa sa rehiyon.
Sa habig ni Trump, gusto niya ang ceasefire tali sa Ukraine ug Russia sa labing dali nga panahon ug miinsistir nga ang mga gasto ug kabug-at sa pagpasiugda sa kalinaw kinahanglan nga pas-anon sa mga nasud sa Europa ug dili lamang sa Amerika.
