Trump, plano nga ibaligya ang ‘gold card’ nga mga visa sa $5-M sa mga langyaw nga gustong mopuyo sa US

Plano ni US President Donald Trump nga sugdan na ang pagbaligya sa ‘gold card visa’ sa kantidad nga $5 milyon alang sa mga langyaw nga gustong mopuyo ug magtrabaho sa Amerika.

Sumala ni Trump, ang programa sa imigrasyon mahimong magsugod sa sulod sa 2 ka semana.

Dugang niini nga ang maong visa kay maghatag og dalan alang sa mga langyaw nga mahatagan og mga pribilehiyo sa green card, usa ka dalan sa US citizenship.

Giingon usab ni Trump nga posible nga ang mga Russian oligarchs kay mahimo usab nga kwalipikado alang sa mga cards nga bulawan.

Ingon man nga ang gold card kay hulip sa ‘EB-5 program’ nga naggarantiya sa mga green cards alang sa mga langyaw nga nagpasalig sa pagpamuhunan sa mga negosyo sa US.