Nimando ang Palasyo Malacañang sa pagsumiter sa courtesy resignations sa tanang opisyal ubos sa Presidential Communications Office (PCO).
Kini aron mahatagan og kagawasan ang bag-ong Kalihim sa PCO sa pagdesisyon sa pagtuman sa iyang mga katungdanan, basi sa memorandum nga giluwatan ni Executive Secretary Lucas Bersamin.
Ang maong direktiba naglangkob sa tanang Presidential Appointees ubos sa PCO kansang appointments dili permanente.
Hangtod niadtong Pebrero 28, ang gihatag nga petsa sa pagsumitir sa courtesy resignations sa mga hingtungdang opisyal.
Si PCO Secretary Jay Ruiz gimanduan nga bantayan pag-ayo ang pagsunod sa mga opisyal sa PCO sa nasangpit nga direktiba.
Kahinumduman nga gihulipan ni Ruiz si kanhi Communications Sec. Cesar Chavez human ni-resign, diin usa sa mga nag-unang direktiba ubos sa pamunoan ni Ruiz sa PCO mao ang pagsumpo sa disinformation.
