Miepekto dayon ang pagpahamtang sa US og 25 porsyento nga taripa sa mga produkto sa Mexico ug Canada.
Gidoble usab ni US President Donald Trump ang taripa sa tanang produkto sa China gikan sa miaging 10 porsyento ngadto sa 20 porsyento.
Matud sa White House nga bisan kung gihatagan ni Trump ang Canada ug Mexico og igo nga higayon aron makunhuran ang pagkaylap sa kalihokan sa cartel ug ang pagkaylap sa mga makamatay nga drogas nga nakaabot sa US, napakyas sila sa pagsulbad sa sitwasyon.
Hinungdan nga ang maong taripa naghulga sa pagpataas sa mga presyo nga gibayad sa mga Amerikano sa mga produkto.
Kadaghanan sa mga produkto nga mag-atubang sa mga taripa mao ang mga awto, mga piyesa sa awto, electronics lakip ang mga mobile phone, computers, nga kadaghanan gi-import gikan sa Mexico, Canada, ug China paingon sa US.
Samtang, gisaway sa Mexico ang pagpatuman sa 25 porsyento nga taripa sa mga produkto nga ilang gi-import gikan sa US.
Matud ni Mexican President Claudia Sheinbaum, nga dili nila kini tugutan nga aksyon sa US.
Ingon man nga gitataw niini nga walay rason ang US sa pagpatuman sa maong taripa, busa angay nilang respetuhon ang Mexico.
Gani, gipahibalo niini nga ang pagbalos sa Mexico sa gipatuman nga taripa sa US sa umaabot nga adlaw.
