Nagtukod karon og ‘Task Force Alice Guo’ ang National Bureau of Investigation (NBI) nga gipangulohan sa Office of the Director Executive Assistant for Special Concerns nga si Atty. Yentl Malicad alang sa padayong imbestigasyon sa ilang ahensya sa mga kabtangan ni dismissed Bamban Tarlac Mayor Alice Guo.
Matod ni Malicad, gitumong sa task force nga tutukan ang mga kaso nga mahimo pa nga ipasaka batok kang Guo nga may kalambigitan gihapon sa operasyon ni Zun Yuan ug uban pang Philippine Offshore Gaming Operators (POGO) sa Tarlac.
Apil usab sa imbestigasyon sa task force ang pagpalit ni Guo og mga yuta gamit ang iyang peke nga Filipino citizenship.
Inabagan sa giumol nga task force sa NBI ang gipadayon sa ahensya ang imbestigasyon sa mga isyu nga may kalambigitan o may kalabotan sa mga POGO, ilabi na si Guo, aron mahatagan dayon sila og aksyon.
Sa laing bahin, si Guo gipasakaan na og duha ka kaso niadtong Lunes may kalabotan sa falsification tungod sa pagpalit ug pagbaligya ni Guo sa yuta nga nahimutang sa Sual, Pangasinan ug falsification of public documents tungod sa iyang pagpresentar sa mga dokumento nga siya usa ka lehitimong Filipino.
