Mahimong lead counsel ni kanhi presidente Rodrigo Duterte, si British-Israeli lawyer Nicholas Kaufman sa giatubang niini nga kasong crimes against humanity sa International Criminal Court (ICC).
Mao kini ang gipaambit ni Vice President Sara Duterte ug gikumpirmar ni kanhi presidential spokesperson Harry Roque.
Basi sa roll of counsel nga narehistro sa ICC, si Kaufman usa ka British ug Israeli.
Si Kaufman mao usab ang legal counsel sa kanhing lider sa militia sa Central African Republic nga si Maxime Jeoffroy Eli Mokom Gawaka, nga miatubang usab sa ICC.
Nagserbisyo usab siya isip abogado ni Aisha Gaddafi, anak nga babaye ni Muammar sa Libya, nga mi-atubang usab sa ICC.
Gawas kang Kaufman, si kanhi executive secretary Salvador Medialdea ug kanhi presidential spokesperson Harry Roque kabahin usab sa legal team sa kanhi presidente.
