Andam na ang House prosecution team nga i-presenter ang kaso sa impeachment trial ni Vice President Sara Duterte sa bisan unsang oras.
Mao kini ang gipaambit ni Speaker Ferdinand Martin Romualdez nga andam na ang House prosecution team nga mopresentar sa ilang kaso kung magsugod ang impeachment trial ni Bise Presidente Sara Duterte.
Sa usa ka pamahayag human ang mga opisyal sa Kamara mibisita sa Senado diin ipahigayon ang trial, si Romualdez niingon nga mao kini ang pasalig kaniya sa mga House prosecutors.
Gipasalamatan usab sa lider sa Kamara ang Senado sa pag-akomodar sa hangyo sa Kamara nga susihon ang mga pasilidad, tungod kay gitugotan niini ang mga magbabalaod-prosecutors nga matuman ang ilang mga katungdanan.
Niadtong Martes, kay nibisia usab si House Secretary General Reginald Velasco ug ubang opisyal sa Kamara sa Senado aron sa pagsusi sa mga pasilidad nga igahin alang sa House prosecution team.
Matod ni Romualdez, nagtinabangay si Senate President Francis Escudero sa pagsiguro nga mahuman ang gikinahanglang pagpangandam sa dili pa magsugod ang trial.
