Gidakop ang usa ka Filipino American nga ministro gikan sa Iglesia Ni Cristo (INC) tungod sa giingong pagsuway sa pagpakigkita sa usa ka 12-anyos nga batang babaye ug pagpadala og dili angay nga mga mensahe.
Giila kini nga si Glennon Salvador Payabyab, 43-anyos, kinsang gidakop niadtong Abril 3 sa Springville, Staten Island, New York apan gibuhian wala pay 24 ka oras ang milabay, hinungdan sa kahadlok sa komunidad.
Matud ni Liza Vetland, silingan ni Payabyab, diin mipaambit kini pinaagi sa social media nga dili sila luwas sa ilang pamilya, ilabi na nga duol ra ang balay ni Payabyab sa ila.
Mipadayag usab sni Vetland sa iyang kabalaka nga ang mando sa pagpanalipod nga ilang gihuptan dili igo aron mapanalipdan ang iyang anak, nga nahadlok karon nga maglakaw pauli gikan sa eskuylahan.
Sa laing bahin, usa ka operasyon gikan sa Protect Our Children ug sa New York Police Department miresulta sa pagkasikop kang Payabyab human kini nakigkita sa bata hinungdan nga nag-atubang kini og kasong misdemeanor nga naghulga sa kaayohan sa usa ka bata.
Ang kaso nakapukaw og kusog nga reaksyon sa mga kaubang sakop sa INC, kinsa niingon nga dili kini isolated case ug nanawagan og hustisya ug accountability.
