Kusganong gikondena sa Office of Civil Defense (OCD) ang paggamit sa Emergency Cell Broadcast System (ECBS) alang sa pagpangampanya niining nasyonal ug lokal nga piniliay.
Kini human ang ilang buhatan nakadawat og mga taho nga daghang mga residente gikan sa mga probinsiya ang nakadawat og mga mensahe nga nag-awhag kanila sa pagbotar sa mga partikular nga kandidato.
Sa giluwatang pamahayag sa OCD, gipasiugda sa ahensya nga hugot ug delikado ang paggamit sa ECBS isip kabahin sa pagpangampanya sa mga kandidato karong eleksyon.
Matod sa ahensya, ang ECBS dili angay gamiton alang sa pagpangampanya ug alang lamang sa paghatag og impormasyon nga live-saving alert panahon sa mga emerhensya sama sa linog, bagyo, ug uban pang mga sitwasyon nga makaapekto sa kaluwasan sa publiko.
Gumikan ang paggamit niini alang sa politikanhong katuyoan makaapektar sa pag-apod-apod sa mga alerto sa emerhensya ug mahimong maghatag og hulga sa kinabuhi sa mga Filipino citizen.
Samtang, gipahinumdoman sa ahensya ang mga kandidato nga ang ECBS gigamit alang sa dinalian nga mga abiso sa emergency ug dili gamiton nga plataporma sa kampanya tungod kay mahimo’g magpahinabog kalibog hilabi na kung adunay grabe nga krisis nga moigo sa nasud.
Sa pagkakaron, pipila ka mga service providers mikompirmar nga wala sila mogamit sa ECBS ilabi na kung dili alang sa emergency nga katuyoan samtang ang OCD nag-awhag kanila nga panalipdan ang integridad sa ilang mga emergency alert system ug sigurohon nga kini gigamit sa hust
