27 ka tawo patay sa pagkahugno sa atop sa nightclub sa Dominican Republic

Patay ang 27 ka mga tawo human nahugno ang atop sa usa ka nightclub sa Dominican Republic.

Samtang kapin sa 100 ka mga tawo ang nadala sa tambalanan human naangol sa insidente sa Jet Set nightclub sa Santo Domingo.

Matud ni Juan Manuel Mendez, ang direktor sa Emergency Operations Center, nga anaa sa 300 ka mga tawo ang anaa sulod sa building dihang nahitabo ang aksidente ala 1 sa kaadlawon.

Mibisita na usab si Dominican President Luis Abinader ug ang iyang asawa, First Lady Raquel Arbaje, sa lugar aron sapaghatag og tabang ug pahasubo sa mga biktima.

Sa pagkakaron, nagpadayon pa ang imbestigasyon sa mga otoridad sa maong insidente.