Na-impeksyon ang baga sa usa ka lalaki sa China tungod sa iyang talagsaon nga kinaiya o nahimo na nga bisyo hilabi na kung walay magtan-aw kaniya.
Mao kini ang gidangatan sa usa ka lalaki nga daling gidala sa Southwest Hospital sa Army Medical University sa Chongqing tungod sa iyang bisyo nga pagsinghot sa medyas.
Usa ka ubo nga dili na gayud mawala, bisan pagkahuman sa pag-inom og cough syrup, gani nagsugod na og usab ang kolor sa iyang mga mata.
Gipaubos sa CT ug MRI scan sa mga doctor ug namatikdan ang talagsaon nga mga anino sa ubos nga bahin sa iyang tuo nga baga.
Usa ka bronchoscopy nagpadayag sa usa ka butang nga wala damha, usa ka fungal infection sa iyang mga baga tungod sa Aspergillus, usa ka common nga agup-op.
Gipangutana kini sa mga experto ug ingon man nga niangkon kini sa iyang katingad-an nga bisyo.
Matag uli niya gikan sa trabaho, iyang simhuton ang iyang gigamit nga medyas sa dili pa niya kini ibutang sa labhanan.
Didto na nasabtan sa doctor asa gikan ang nakuhang lung infection sa pasyente gumikan perpekto kini nga motubo ang fungal sa baga tungod kay ang gigamit nga mga medyas puno sa singot, asin, urea, ug nagmugna og init, basa nga palibot sulod sa mga sapatos.
