Napalgang patay human gidunggab sa usa ka suspitsado, ang pito ka mga lalaki nga panadero samtang sila nahinanok sa pagkatulog sulod sa usa ka bakery sa Brgy. Cupang, Antipolo City, Rizal, karong buntag, Abril 22, 2025.
Nasayran nga mga alas 8:00 sa buntag nakadawat og tawag ang kapolisan gikan sa usa ka tanod sa barangay kalabot sa maong insidente.
Gitubag dayon sa mga otoridad ang reklamo, diin nasayran sa inisyal nga imbestigasyon nga ang mga biktima pulos mga empleyado sa usa ka bakery ug nagpuyo sa maong bakery.
Giingong pasado alas 6:00 sa buntag nisulod sa maong bakery ang wala mailhing mga suspek ug gisunod-sunod nila pagdunggab ang mga biktima samtang nagpahuway.
Ang mga personahe sa Antipolo PNP nagpahigayon og makuting imbestigasyon sa maong insidente.
