TALISAY CITY-Patay ang usa ka delivery driver human malatayi sa usa ka fuel tanker kagahapon, Abril 22, 2025 sa Cansojong, Talisay City Cebu.
Nailhan ang biktima nga si Joseph Basabe Sedano, 46 anyos, lumad nga taga Barangay Vito, lungsod sa Minglanilla, samtang ang drayber usab sa fuel tanker mao si Jayco Mata Castillo, 34 anyos, ug residente sa Barangay Binaliw Danao City Cebu.
Matud sa pangu sa City of Talisay – Traffic Operations and Development Authority nga si Joy Tumulak, nasayran nga parehong mihunong ang motor ug ang fuel tanker sa intersection sa Cebu coastal road habig sa may Brgy. Cansojong.
Gi-ingung, wala mabantayi sa driver sa fuel tanker nga si Castillo, nga anaa sa atubangan nga bahin sa tanker ang motor nga gimaneho sa biktima, og wala kini maka-abante dayun sa dihang ni “Go signal na” hinungdan nga mibangga ug mipailawm kini sa fuel tanker ug nalatayan ang biktima.
Daling gitabang sa mga emergency responders biktima ug gidala kini sa tambalanan ug gideklarar kining dead on arrival.
Sapagkakaron, anaa na sa kustodiya sa Talisay City Police Office si Castillo, apan gipaabut pa sa buhatan ang desisyon sa pamilya sa biktima kung pasakaan ba kini og kaso. | Bombo Nathaniel Sandoval
