Gipagawas sa Holy See Press Office ang mga detalye alang sa lubong ni Pope Francis sa Sabado, Abril 26.
Sama sa nalatid sa kataposang hangyo sa namatay nga Santo Papa, ilubong siya sa Papal Basilica ni St. Mary Major.
Ang iyang Eminence Cardinal Kevin Joseph Farrell, kinsa nagsilbing Camerlengo sa Holy Roman Church, maoy mangulo sa funeral rites alang sa paglubong sa Santo Papa.
Daghang mga senior cardinal ang gilauman nga motambong sa lubong, sama nila Cardinal Giovanni Battista Re, ang Dean sa College of Cardinals; Cardinal Roger Michael Mahony, ang Cardinal Presbyter; Cardinal Dominique Mamberti, ang Cardinal Protodeacon; kanhi Secretary of State Cardinal Pietro Parolin, ug uban pa.
Gidapit usab ang tanang Sekretaryo sa Santo Papa sa pagtambong sa lubong.
Sa adlaw sa lubong, ipahigayon ang Santos nga Misa sa lubong sa dili pa dad-on ang patayng lawas sa namatay nga Santo Papa sa ilang kataposang destinasyon.
Bisan og unom na lang ka adlaw ang pagkamatay sa Santo Papa hangtod nga ilubong siya karong Sabado, ang simbahan mag-obserbar gihapon og siyam ka sunodsunod nga adlaw sa pagbangotan. Matag adlaw adunay misa alang sa namatay nga Santo Papa.
Matag Eukaristikanhon nga selebrasyon bukas sa publiko.
