Gitino ni U.S. President Donald Trump nga importante alang sa Santo Papa nga masabtan nga ang Iran usa ka “global threat” ug dili angay tugutan nga adunay nuclear weapon.
Gipasiugda ni Trump nga kung ang Iran makakuha og nuclear capability , ang tibuok kalibutan mameligro.
Ang pahayag misunod sa pagsaway sa Santo Papa sa gubat sa US-Israel batok sa Iran, nga iyang gitawag nga “madness of war.”
Si Trump miingon nga samtang ang Santo Papa gawasnon nga mosulti, kinahanglan niyang hunahunaon ang mas dako nga peligro nga gipahinabo sa Iran.
Samtang, ang mga tensyon sa Middle East nagpadayon human sa mga pag-atake sa US ug Israel sa Iran ug ang mga pagbalos sa Iran sa Israel ug mga Gulf State.
Liboan ka mga tawo ang namatay ug milyon-milyon ang nawad-an og pinuy-anan tungod sa away. Bisan pa sa pahayag ni Trump, ang Santo Papa nagpabilin nga magpadayon siya sa pagsulti batok sa gubat.
