Nanawagan ang World Health Organization (WHO) alang sa pagpalig-on sa mga lakang gikan sa global nga palisiya hangtod sa aksyon sa komunidad aron mapadali ang pagwagtang sa malaria, kini subay sa World Malaria Day.
Sukad sa 2000, anaa na sa 13 milyones ka kinabuhi ang nakalas ug duha ka bilyong kaso sa malaria ang napugngan tungod sa tibuok kalibotang panaghiusa.
Kung diin, anaa na sa 45 na ka nasod ug usa ka teritoryo ang gikonsiderar nga malaria-free sa WHO, apan 600,000 ka kinabuhi ang mawala sa malaria sa 2023, kasagaran sa Africa.
Ang kaylap nga paglusad sa mga bakuna sa malaria ug insecticide-treated nets sa Africa gilauman nga makaluwas sa liboan ka mga bata kada tuig.
Bisan pa, ang nagpadayon nga mga hagit mao ang nagkagrabe nga rug resistance, huyang nga sistema sa kahimsog, ug mga hinungdan sama sa pagbag-o sa klima, panagbangi, ug kakabus.
Ang tema sa World Malaria Day 2025 “Malaria Ends With Us: Reinvest, Reimagine, Reignite” nanawagan alang sa mas lig-on nga pinansyal nga mga pasalig ug mga inobasyon aron tapuson ang sakit.
