Gihisgutan karon sa netizens ang dayag nga pagbugnaw sa relasyon nila ni Cristine Reyes ug Marco Gumabao human namatikdan nga nag-unfollow na ang duha sa usag usa sa Instagram.
Wala’y bag-ong post gikan sa ilang social media accounts hinungdan nga nagduda ang publiko nga adunay giagian ang celebrity couple.
Kahinumduman nga dili kini ang unang higayon nga gi-unfollow ni Cristine si Marco gumikan niadtong Agosto 2024, gi-deactivate ni Cristine ang iyang Instagram account sa mismong adlaw sa ika-30 nga adlawng natawhan ni Marco, nga labi nga nagpakusog sa mga espekulasyon sa panagbuwag.
Matod sa igsuon ni Cristine nga si Ara Mina, dili kini tungod sa problema sa relasyon kondili tungod kay busy si Cristine sa shooting sa salida nga The Kingdom, entry sa MMFF 2024.
Pipila ka adlaw human sa isyu, nag-post na usab si Cristine og birthday greeting alang kang Marco sa Facebook, uban ang mga sweet photos nila nga nag-uban, nga temporaryo nga nagpahunong sa mga tsismis.
Karon, ang kalihokan sa social media mibalik sa espekulasyon, labi na nga gi-unfollow usab nila si Sofia Andres ug Daniel Miranda, laing celebrity couple nga dili klaro ang status.
