Gikompirmar sa Malacañang nga ang Office of the President (OP) ug si Presidente Ferdinand Marcos Jr. ang nitubag sa bayronon sa ospital ni National Artist Nora Aunor ug dili ang Philippine Charity Sweepstakes Office (PCSO).
Matod ni Presidential Communications Office (PCO) Senior Undersecretary Ana Puod, ubos usab kini sa hospitalization benefits para sa mga National Artists.
Dugang ni Puod, personal nga gibayran ni PBBM ug First Lady Liza Marcos ang uban pang gasto sa ospital ni Aunor, ingon man ang ubang mga utang ug personal nga gasto o bayronon sa namatay nga aktres.
Basi sa impormasyon nga nakuha ni PCO Secretary Jay Ruiz gikan sa tambalanan, nikabat sa P1.8 milyones ang bayronon sa tambalanan, matod niya, ug midugang nga ang Palasyo dili makahatag og dugang detalye sa breakdown sa kantidad nga nabayran.
Ingon man nga gawas sa nakuha isip National Artist kay personal nga kwarta ang gihatag sa magtiayon.
Kay si Nora Aunor anaa man sa private hospital, dako ang bayronon nga dili na nila makaya.
