Gikatakdang babagan sa gobyerno sa Pilipinas ang asylum request nga gisang-at ni kanhi Presidential Spokesperson Atty. Harry Roque
sa Netherlands.
Matod sa Department of Justice, sa higayon nga mapagawas na ang warrant of arrest batok kang Roque tungod sa human trafficking, maglisod si Roque sa iyang hangyo nga mahatagan og asylum.
Una nang gipasaka sa DOJ ang non-bailable qualified human trafficking case ug regular human trafficking case batok kang Roque sa Angeles City Regional Trial Court.
Lakip sa gipasakaan og kaso mao si Cassandra Lie Ong ug uban pang mga indibidwal.
Si Roque giingong partisipante ug abogado sa Whirlwind Corporation ug representante usab sa Lucky South 99.
Usa kini ka raid sa POGO sa POGO hub sa Porac, Pampanga tungod sa ilegal nga operasyon lakip na ang human trafficking.
Kung kahinumdoman, niadtong Disyembre sa miaging tuig, niduso og counter-affidavit si Roque gikan sa United Arab Emirates, nga miinsister nga dili siya ang morepresentar sa Lucky South 99.
